Nanawagan ng pagkakaisa sa hanay ng pulisya si Pangulong Benigno Aquino III.
Sa selebrasyon ng ika-114 na anibersaryo ng Philippine National Police (PNP), sinabi ng Pangulo na ilang buwan na lamang ang nalalabi bago siya tuluyang bumaba sa puwesto.
Pero bago aniya matapos ang kanyang termino, hangad nito na iwan ang PNP na kabahagi ng lipunan na mas patas, mas mapayapa at mas maunlad.
Kaugnay nito, hinamon din ng Pangulong Aquino ang PNP na ibalik ang tiwala at respeto ng publiko sa pulisya sa pamamagitan aniya ng masigasig at matapat na paggampan sa kanilang mga tungkulin.
By Ralph Obina
