Ipinagdiinan ni Vice President Jejomar Binay na wala siyang kinalaman sa mga naglabasang pekeng 500 peso bills na may mukha nii outgoing Department of Interior and Local Government Sec. Mar Roxas.
Ang naturang mga pekeng pera ay ipinadala rin sa ilang mga mamamahayag sa Kamara at kumalat sa social media.
Sa isang interbyu, sinabi ni Binay na huwag naman sanang isisi sa kanya ang paglabas ng mga naturang salapi.
Inamin naman ng bise presidente na naging linya niya ang nakalagay sa likod ng pera na “salapi pa more…ibulsa ang pera, iboto ang kursunada, pero hindi umano sa kanya nanggaling ito.
By: Jelbert Perdez | Allan Francisco
