Umaasa ang isang Senador na magdudulot ng kapayapaan at kaunlaran ang pagpanaw ng founding chairperson ng Communist Party of the Philippine o CPP na si Jose Maria Sison.
Si Sison ay binawian ng buhay kahapon matapos ang dalawang linggong pagkaratay sa ospital.
Sa panayam ng DWIZ kay Senator Francis Tolentino, Chairman ng Senate Blue Ribbon Committee at Committe on Justice and Human Rights, sinabi nito na umaasa siyang mauunawaan ng susunod na lider ng CPP ang nais ng mga Pilipino.
Ito ay ang kapayapaan at pagkakasundo na malaking tulong upang hindi na magkaroon ng karahasan sa bansa sa pagitan ng mga komunista.
