Inamin ni Philippine Charity Sweepstakes Office (PCSO) Chairman Ireneo “Ayong” Maliksi na nauubusan na ng pondo ang ahensya.
Paliwanag ni Maliksi, maliban kasi sa pagbibigay ng financial assistance sa mga mahihirap, inoobliga rin ng 13 batas ang PCSO na magbahagi ng kita nito sa iba’t ibang ahensya ng pamahalaan.
Katunayan, kamakailan ay naglabas ang PCSO ng P100 million para sa Commission on Higher Education (CHED) bilang mandatory contribution sa ahensya.
Subalit, giit ni Albay Governor Joey Salceda, mali ito dahil dapat itutok ang mandato ng PCSO sa pagkakaloob ng mutual medical assistance sa mga kapus-palad.
By Jelbert Perdez
