Hinimok ni Pangulong Rodrigo Duterte ang mga Pilipino na palagiang kilalanin ang mga bayani na nagbuwis ng buhay para sa Pilipinas.
Panawagan ito ng Pangulo kasabay ng ika-124 na Anibersaryo ng Kalayaan sa Pilipinas.
Ayon sa Pangulo, umaasa siyang magiging inspirasyon sa mga Pilipino ang pagiging matapang ng mga bayani para itaguyod ang kapakanan ng komunidad.
Habang isang paalala rin ang okasyon ngayong araw kung paano nakipaglaban ang mga bayani para sa kalayaan ng bansa.
Sa ngayon, hinikayat ng Presidente ang mga Pilipino na magtulungan upang maisakatuparan ang pananaw sa isang mas maayos at progresibong Pilipinas.
