Posibleng mailabas ang bakuna laban sa African Swine Fever (ASF) na dine-develop ng isang local research company na kinuha ng Department of Science and Technology (DOST) sa taong 2023 o 2024.
Ayon kay DOST Undersecretary Rowena Guevara, kadalasang nagagawa ang bakuna para sa viral disease na tumatama sa mga baboy at baboy ramo sa loob ng dalawang taon.
Aniya bubuo muna ang veterinary research at diagnostic laboratory na bioassets corporation ng mga ASF test kit na maaaring lumabas na sa katapusan ng taong ito o sa unang bahagi ng 2023.
