Target nang pina igting na Law Enforcement Operations ng militar ang bulubunduking bahagi ng Sulu para mailigtas ang 15 Foreign at Local Kidnap Victims na bihag ng Abu Sayyaf
Ayon kay Major Filemon Tan, Spokesman ng Western Mindanao Command kabilang sa hawak pa ng mga bandido ang Norwegian National sa Samal Island Kidnapping, European Birdwatcher at 10 pang Malaysian at Indonesian Crews
Tatlo aniya sa 15 biktima ay pawang Pilipino
Sinabi ni Tan na hindi pa kasama sa nasabing bilang ang umanoy 5 pang Malaysian Crew na umanoy dinukot ng Abu Sayyaf sa Sabah bagamat hindi pa naman ito aniya kumpirmado
Ipinabatid pa ni Tan na batay sa nakuha nilang verified reports nakita ang presensya ng Indonesian at Malaysian Nationals sa Sulu
Tiniyak ni Tan na kumikilos na sila para maisalba muna ang Norwegian National na una nang pinagbantaang pupugutan ng Abu Sayyaf
By: Judith Larino
