Pinaplantsa na ng Transition Team ng mga incoming at outgoing Immigration Official ang pagsasalin ng trabaho at kapangyarihan sa Bureau of Immigration.
Personal na dumalaw si incoming Immigration Chief Jaime Morente sa tanggapan ni outgoing Immigration Commissioner Ronaldo Heron sa Intramuros, Maynila para sa maayos na pagpapalit ng liderato ng ahensya.
Ngunit tumanggi si Morente na isiwalat ang kabuuan ng kanilang napag-usapan hinggil sa mga programa at proyektong itutuloy niya pagkaupo niya sa pwesto.
Kabilang sa natalakay sa tatlong oras na pagpupulong ang malaking papel ng Alien Registration Division na siyang lead agency ng Immigartion sa pagpaparehistro ng mga dayuhang pumapasok sa bansa.
Kasama ni Heron na lalabas sa Immigration Bureau sina outgoing Commissioner Abdul Mangorata at outgoing Executive Director Eric Dimaculangan.
By: Avee Devierte
