Tuloy ang paglilitis laban sa mga itinuturong mastermind hinggil sa 10-billion-peso pork barrel fund scam.
Ito’y makaraang ibasura ng Korte Suprema ang mga petisyong inihain nila Pork Barrel Scam queen Janet Lim-Napoles, mga anak nitong sina Jo Christine at James Christopher, driver nitong si John Raymond De asis at ang dating Chief of Staff ni Senador Juan Ponce Enrile na si Gigi Reyes.
Magugunitang naghain ng motion for reconsideration sa high tribunal ang mga nabanggit na akusado upang hilinging baliktarin ang naunang pagbasura ng sandiganbayan sa hirit naman nilang ipawalang bisa ang pagdinig laban sa kanila.
Kasalukuyang nahaharap ang mga nabanggit na akusado sa mga kasong graft at plunder dahil sa mga iligal na transaksyong pinasok ng mga ito gamit ang pondo ng bayan.
By: Jaymark Dagala
