Hindi kumbinsido ang prosecution team na special treatment ang ibinibigay kay pork barrel scam queen Janet Napoles sa Women’s Correctional sa Mandaluyong City.
Ito, ang inihayag ni Justice Undersecretary Jose Justiniano matapos ilipat ng ward si Napoles dahil takot umano ito sa masikip na lugar.
Ipinaliwanag ni Justiniano na hindi naman labag ito sa batas subalit kailangan pa ng court order mula sa Sandiganbayan kung ilalabas ang akusado sa selda at dalhin sa ospital.
Gayunman, kailangan aniyang tiyakin o beripikahin muna kung totoong may karamdaman si Napoles bago ito payagang makalabas.
By Drew Nacino | Jill Resontoc (Patrol 7)
