Intriga lang umano ang umuugong na kudeta sa mababang kapulungan ng kongreso para ipalit si dating pangulo at ngayo’y pampanga 2nd District Rep. Gloria Arroyo kay House Speaker Pantaleon Alvarez.
Ayon kay Presidential Spokesman Harry Roque, nagkaroon lamang ng minsang salu-salo ang mga kongresista pero hindi naman napag-usapan ang kudeta para palitan ang kasalukuyang liderato ng kamara.
Napag-uusapan lang anya ang mga napupuna sa ruling party na PDP-LABAN na lahat ng gustong sumapi ay tinatanggap maging ang mga dating magkakalaban.
Gayunman, puro tsismis lamang ito at walang ibang mahalaga ngayon para kay Pangulong Rodrigo Duterte kundi ang maipasa ang mga priority measure ng administrasyon.
