Kinumpirma ni US State Department Spokesman Ned Price na nagpadala ang Iran ng kanilang military trainers sa Crimea para tulungan ang Russian forces sa paggamit ng Iranian – made “Kamikaze” drones para atakihin ang Ukraine.
Aniya, nagpadala ang Iran ng kanilang trainer para sa pilot launch Iranian Unmanned Aerial Vehicles (UAVs) at paggamit ng mga ito sa paggawa ng kinetic strikes sa Ukraine na ginamit din umano sa isinagawang strikes sa Kyiv.
Sinabi pa nito, na nasa ground umano ang Iranian military personnel sa Crimea para tumulong sa Russia sa kanilang operasyon.
Wala pa namang reaksiyon mula sa Tehran hinggil sa alegasyon ng US subalit itinanggi nito na ang drones nila ay Iranian made.
