Siniguro ni Senador Christopher ‘Bong’ Go na hindi maaantala ang pagpapalabas ng mga pondo sa ilalim ng Bayanihan to Recover as One Act (Bayanihan 2).
Ito’y ayon sa senador makaraang maglabas ang Budget Department ng higit sa P77 bilyong para sa iba’t-ibang ahensya ng gobyerno.
Dagdag pa ni Go, mismong si Budget Secretary Wendell Avisado ang nagsiguro sa kanya na inaaksyunan nila ang lahat ng mga budget request, para hindi maantala ang pagpapalabas ng mga ito oras na kumpleto na ang requirements.
Pagdidiin pa ng Senador, dahil naipalabas na ang pondo, wala nang dahilan para hindi maipatupad ng bawat ahensya ang kani-kanilang tungkulin para sa pagtugon ng pamahalaan kontra COVID-19.
