Nananawagan ang ilang mga estudyante at magulang na i-extend pa ang libreng-sakay sa tren ng LRT-2 na nagtapos kahapon, Nobyembre 5.
Matatandaang sinabi ng Light Rail Transit Authority (LRTA) na hindi na kayang palawigin ang libreng-sakay dahil kailangang maglaan ng pondo para palawakin, isaayos at i-upgrade ang linya ng tren.
Mahigit 1.56 milyong estudyante ang naitalang nakinabang sa libreng-sakay.
Samantala, ang mga mag-aaral na may maipapakitang valid school ID simula ngayong araw ng Linggo, Nobyembre 6 ay mabibigyan ng 20% discount.—mula sa panulat ni Maize Aliño-Dayundayon
