Nagkasundo na ang European Union (EU) leaders na pagbigyan ang kahilingan ni British Prime Minister Theresa May na palawigin ang proseso sa pagkalas nila.
Si EU Council President Donald Tusk ang nagkumpirma mismo na pagbibigyan nila ang mga ito hanggang sa katapusan ng Oktubre.
Dahil sa nasabing desisyon makikipag pulong si May sa EU leaders para pag usapan ang nasabing Brexit extension.
Magugunitang sumulat si May sa EU matapos makailang ulit na ibasura ng mga mambabatas ng United Kingdom ang isinusulong niyang Brexit deal.
