Inaprubahan ni Pangulong Rodrigo Duterte ang rekomendasyon ng Inter-Agency Task Force on Emerging Infectious Diseases na palawigin ang General Community Quarantine with heightened restrictions sa Metro Manila mula Agosto 1 hanggang 15.
Maliban sa Metro, Manila, isinailalim din sa GCQ with heightened restrictions ang Ilocos Sur, Cagayan, Bulacan, Laguna, Lucena City, Cavite, Rizal, Naga City, Antique, Aklan, Bacolod City, Capiz, Negros Oriental, Zamboanga Del Sur, Misamis Oriental, Davao City, Davao Del Norte, Davao De Oro, Davao Occidental, at Butuan City.
Habang inilagay naman sa GCQ sa buong buwan ng Agosto ang Baguio City, Apayao, Santiago City, Isabela, Nueva Vizcaya, Quirino, Quezon, Batangas, Puerto Princesa, Guimaras, Negros Occidental, Zamboanga Sibugay, City Of Zamboanga, Zamboanga Del Norte, Davao Oriental, Davao Del Sur, General Santos City, Sultan Kudarat, Sarangani, North Cotabato, South Cotabato, Agusan Del Norte, Surigao Del Norte, Agusan Del Sur, Dinagat Islands, Surigao Del Sur, At Cotabato City.
Nananatili namang nakasailalim sa enhanced community quarantine ang Iloilo City at Iloilo Province, at Cagayan De Oro City at Gingoog City Mula August 1 Hanggang Agosto 7.
Modified Enhanced Comunity Quarantine naman ang paiiralin sa Ilocos Norte, Bataan, Lapu-Lapu City at Mandaue City mula Agosto 1 hanggang Agosto 15, 2021.
Habang ang nalalabing bahagi naman ng bansa ay nakasailalim sa Modified GCQ mula Agosto 1 hanggang 31.―sa panulat ni Hya Ludivico
