Kinondena ni dating A.R.M.M. Governor at Incumbent Basilan Rep. Mujiv hataman ang pagpatay kay Al-barka Mayor Darussalam Lajid.
Umapela si Hataman sa mga otoridad na tutukan ang kaso upang matukoy agad ang nasa likod ng pagpatay kina Lajid at sa bodyguard nito.
Nasugatan din sa insidente at nasa kritikal na kondisyon si Akbar Mayor Alih Awal Salih.
Iginiit ng kongresista na walang puwang ang ganitong uri ng karahasan sa lipunan na nakasandal sa kapayapaan at iisang paniniwala.
Dakong alas otso y medya kahapon ng umaga nang tambangan ng apat na lalaki sina Lajid, bodyguard nito at Salih sa bayan ng Baliwasan.
Naglalakad ang dalawang alkalde patungo sana sa isang mosque sa Baliwasan Seaside nang paulanan ng bala ng mga salaring nakasakay sa motorsiklo.—sa panulat ni Drew Nacino
