Iginiit ng Philippine National Police na “robbery hold-up” at walang kaugnayan sa trabaho ang motibo sa pagpatay kay Assistant Special Prosecutor Madonna Joy ednaco – Tayag.
Ayon kay PNP Chief Director General Oscar Albayalde , nakuha sa suspek na nakilalang si Angelito Avenido ang mga personal na gamit ng biktima gaya ng ID nito.
Nabatid na miyembro si Avenido ng “basag-kotse” gang at nagpositibo rin ito sa illegal na droga.
Dagdag pa ni Albayalde , malakas ang hawak nila na ebidensya at mayruon na silang mga hawak na testigo na makapagpapatunay na hindi “fall guy” ang suspek.
Tumanggi naman muna ang pamilya ni Tanyag na magbigay ng komento kaugnay sa motibo ng krimen.
Gayunman , nagpapasalamat ang asawa ng pinaslang na piskal na si Dr. Cris Tanyag sa mabilis na pagkakaresto ng suspek na si Avenido.
