Inanunsiyo ni Associate Justice Marvic Leonen na pinalawig ng Korte Suprema ang deadline sa pagpili ng mga bar examinees ng testing centers.
Ayon kay Leonen, ito’y bunsod ng nararanasang technical issues sa Bar Personal Login Unified System o Bar Plus.
Bunga nito, inusod hanggang October 24,2021 ang pagsasara ng Venue Matching Module at posibleng ma-extend pa ito sakaling magpatuloy ang technical issues sa nasabing portal.
Matatandaang kinansela ng kataas-taasang hukuman ang bar exams na gaganapin sana sa susunod na buwan at sa halip ay idaraos ito mula January 16 hanggang February 6, 2022. —sa panulat ni Airiam Sancho
