Aminado ang Philippine National Police-Zamboanga na mahihirapan itong ma-rekober ang labi ng American vlogger na si Elliot Eastman matapos umamin ang isa sa mga dumukot dito na itinapon nila ang katawan ng biktima sa dagat.
Ayon sa pulisya, batay sa kwento ng suspek, namatay din si Eastman nang dukutin ito noong Oktubre a-disi syete ng gabi.
Sinabi ni PRO-9 Spokesperson Colonel Ramoncelio Sawan na kung iku-kunsidera ang lawak at lalim ng dagat, gayundin ang sunud-sunod na mga bagyong tumama sa rehiyon, ’tila imposible nang mahanap pa ang labi ng biktima.
Sa kabila nito, patuloy naman anila ang kanilang paghahanap sa labi gayundin sa mga suspek sa krimen. – sa panulat ni Laica Cuevas
