Isinulong na rin sana umano na makasama ang mga alkalde sa priority list na mabakunahan kontra coronavirus disease 2019 (COVID-19).
Ito ang pananaw ni Sen. Nancy Binay matapos hingian ng paliwanag ng Department of the Interior and Local Government (DILG) ang limang mayor dahil sa pagpapabakuna ng mga ito kahit hindi naman health workers na siyang prayoridad na mabakunahan.
Ani Binay, dapat ay ipinanawagan na lang din sana noon na isama ang mga alkalde sa priority list para mahikayat ang kanilang nasasakupan na magpabakuna.
Nauunawan umano niya na hindi dahil gusto lang ng mga alkalde na magpabakuna para makakuha ng proteksyon sa virus kundi dahil kailangan din bilang ama ng kanilang bayan.
Una rito napaulat ang pagpapabakuna ng ilang alkalde kahit hindi kasama sa priority list dahilan para pagpaliwanagin ng DILG.
