Itinanggi ng Las Piñas LGUs ang kumakalat na balita kaugnay sa pagsasagawa ng contactless swabbing sa kanilang lungsod.
Ayon sa Las Piñas City Health Office (LPCHO), walang katotohanan at hindi dapat maniwala ang publiko sa kumakalat na fake news.
Dapat umanong maging alerto ang bawat isa lalo na sa mga binabasang impormasyon sa social media.
Binigyang-diin ng Las Piñas LGUs na patuloy ang libreng COVID-19 test na isinasagawa ng mga tauhan ng LPCHO.
Para sa mga nais magpaswab test ay maaring mag-email o makipag ugnayan sa kanilang official hotlines at official website.
Samantala, muli ding ipinaalala ng pamahalaang lokal na mas mainam na manatili nalang sa loob ng bahay kung walang mahalagang lakad at panatilihin ang pagsunod sa health protocols upang maiwasan ang hawahan ng COVID-19.—sa panulat ni Angelica Doctolero
