Kinumpirma ni Philippine National Police o PNP Crime Laboratory Director Chief Supt. Aurelio Trampe ang pagsibak kay Supt. Maria Cristina Nobleza na umano’y kasintahan ng Abu Sayyaf member na si Reenor Lou Dungon.
Sinabi ni Trampe na naka-assign sa Crime Lab National Headquarters sa Camp Crame si Nobleza habang isinasailalim ito sa imbestigasyon.
Si Nobleza ay nakatalaga pa sa Crime Lab sa Davao Region bilang deputy director bago naaresto noong Sabado.
Una nang kinasuhan ng kriminal si Nobleza dahil sa umano’y pagkakanlong ng mga terorista at iligal na pagbibitbit ng baril.
By Judith Larino |With Report from Jonathan Andal
