Aprubado na ng Department of Trade and Industry (DTI), ang pagtaas ng presyo ng noche buena products.
Nabatid na ilang mga manufacturer ang humiling na payagan silang magdag-dag-presyo ngayong buwan upang mabawi ang mga nawalang puhunan dahil sa banta ng COVID-19.
Ayon kay Trade Undersecretary Ruth Castelo, hahayaan ng kanilang ahensya na gumalaw ang presyo ng mga noche buena items dahil hindi naman ito kasali sa basic o prime comodities.
Bukod pa dito, taong 2019 pa umano nang huling magtaas-presyo ang mga noche buena items.
Tiniyak din ni Castelo na sa kabila ng serye ng mga taas-presyo sa produktong petrolyo maging sa presyo ng manok, baboy at isda ay kanilang sisilipin ang magiging kita sa hirit na dagdag-presyo sa basic goods o mga pangunahing bilihin. —sa panulat ni Angelica Doctolero
