Tiwala ang kampo ni Davao City Mayor Rodrigo Duterte na marami pa rin ang mga tagasuporta ng alkalde ngayong nagdeklara na ito ng intensyong pagtakbo sa 2016 Presidential elections.
Ito ay sa kabila ng paurong-sulong umanong desisyon ni Duterte.
Aminado si dating North Cotabato Governor Manny Piñol na marami ang nagtampo kay Duterte habang marami ding political leaders ang lumipat na ng kandidatong susuportahan matapos na hindi ito maghain noong ng certificate of candidacy.
“Maraming nawala, maraming political leaders na nag-commit na sa ibang grupo but I believe that the call for him to lead this country is still there.” Ani Piñol
Samantala, tiniyak ni Piñol na wala nang atrasan ang pagtakbo ni Duterte matapos itong magdeklara noong weekend.
AUDIO: Bahagi ng panayam kay dating North Cotabato Gov. Manny Piñol
By Ralph Obina | Karambola
