Hindi pa tamang panahon at hindi pa ngayon!
Ito ang paninindigan ng mga pioneer na tagasuporta ng yumaong aktor na si Fernando Poe Jr. hinggil sa pagkandidato ni Sen. Grace Poe sa 2016 presidential elections.
Sinabi ni Daniel de Jesus, National President ng FPJ for President Movement (FPJPM) sa isang press conference, hindi pa sapat at hinog ang karanasan ng senadora para panghawakan nito ang mas malaking responsibilidad bilang pangulo ng bansa.
Aniya, hindi lang umano sila ang nagsusulong ng pag-atras ni Grace sa presidential elections sa 2016 kundi maging ang mga pulitikong kaalyado noon ni FPJ na nakikitang wala pang sapat na karanasan ang senadora para pamunuan ang bansa.
By Mariboy Ysibido
