Tiniyak ng National Capital Region Police Office (NCRPO) ang pagtalima sa panawagan ni Department of the Interior and Local Government (DILG) Secretary Benhur Abalos na mag-courtesy resignation ang lahat ng Philippine National Police (PNP) generals at colonels.
Ito’y sa gitna nang nagpapatuloy na imbestigasyon sa muling pagkabuhay ng “Ninja Cops”.
Ayon kay NCRPO Director, Maj. Gen. Jonnel Estomo, nakausap na niya ang mga senior police na nakatalaga sa Metro Manila hinggil sa usapin at sumang-ayon naman ang mga ito sa kanya.
Hindi anya pipilitin ang kanilang mga tauhan pero itinuturing niyang pagsuporta sa kanya ang magiging pagsunod ng mga ito sa naturang panawagan ng kalihim. – sa panulat ni Hannah Oledan
