Hanggang ngayong araw na lamang tatanggapin ng ride-sharing company na Grab ang mga aplikasyon ng mga accredited driver ng sinuspindeng karibal na Uber Systems Incorporated.
Ito’y bilang pagtalima sa Resolution 19 ng Land Transportation Franchising and Regulatory Board o LTFRB na nagpapahintulot sa mga accredited Uber driver na mag-operate sa ilalim ng transport networking companies na Grab at U-Hop.
Ayon sa Grab, maaaring isumite ng mga Uber driver ang kanilang applications sa Grab Wilcon Office sa 12th floor ng Wilcon IT Hub sa Chino Roces Avenue, Makati City; Megatent Libis sa Eulogio Rodriguez Jr. Avenue, Quezon City; One Esplanade sa Diokno Boulevard, Pasay City simula alas-10:00 ng umaga hanggang alas-7:00 mamayang gabi.
By Drew Nacino
