Tiniyak ng China sa Pilipinas ang pagtulong nito para tugisin ang mga drug lord at tuldukan ang operasyon ng iligal na droga.
Ito ang inihayag ni PNP Chief Dir/Gen. Ronald ‘Bato’ dela Rosa makaraang dumalo sa ASEAN Association of Chiefs of Police o ASEANAPOL sa Malaysia noong nakalipas na lingo.
Sinabi ni Heneral Bato na nagkaroon sila ng pagkakataong makapag-usap ng Chief of Police ng China at tiniyak nito sa kanya ang kahandaang magbigay ng mga totoong profile ng mga Chinese drug lord na wanted din sa kanilang bansa.
Inatasan na rin ng Chinese Chief of Police ang kanyang mga tauhan na makipagkita kay Heneral Bato sa Kampo Crame para makipagpulong hinggil sa naturang usapin.
By Jaymark Dagala
