Muling nanawagan sa gobyerno ang IBON Foundation na tulungan ang mga ordinaryong Pilipino na umangat sa buhay.
Ito ang sinabi sa DWIZ ni Sonny Africa, Executive Director ng IBON Foundation, kasunod na nagdaang survey kung saan mayorya ng mga Pilipino ang naniniwalang gaganda ang kalidad ng kanilang buhay ngayong 2023.
Ayon kay Africa, bagaman kinakaya ng mga Pilipino ang mataas na presyo ng bilihin at mababang sahod, hindi nangangahulugang wala na ritong gagawin ang pamahalaan.
Samantala, muli namang nanawagan sa gobyerno si Africa na gamitin ang sariling kakayahan para mabawasan ang epekto sa publiko ng taas singil sa kuryente at tubig na nagbabadya ngayong taon.
