Pinaigting pa ng Moro Islamic Liberation Front (MILF) ang kanilang pagtugis sa mga miyembro ng grupong Jamaatul Muhajireen na local ISIS sympathizer.
Napag-alaman na sa inilunsad na Task Force Ittihad, napatay ng MILF ang kanang kamay ni Jamaatul Muhajireen leader Abo Toraife na si Abdulkahar Musa.
Ang pagpatay sa right hand ni Toraife ay dahil sa mas umiinit na bakbakan sa pagitan ng nasabing grupo at ng MILF sa Datu Salibo, Maguindanao.
Malaking kawalan umano si Musa dahil ito ang nagtuturo sa mga miyembro na gumawa ng bomba at ito rin ang nangunguna sa mga pang-aatake sa lugar.
Samantala sa ngayon patuloy pang kinukumpirma ng militar ang pagkamatay ni Musa.
Napag-alaman na nakikipagtulungan ngayon ang MILF sa militar at PNP upang tapusin ang nasabing grupo.
By Meann Tanbio
SMW: RPE
