Natapos na ang paggiba sa mga kubol sa loob ng New Bilibid Prisons (NBP).
Sinabi ni NBP Spokesman Major Albert Taripu na kaninang umaga lamang natapos ang paggiba sa mga kubol sa maximum security compound at kailangan na lamang aniyang maglinis at maikarga ang mga kalat at debris sa dump trucks.
Ayon kay Taripu, sa kasagsagan ng demolisyon ay mayroon silang mga nadiskubreng mga baldado at may mga sakit na preso.
Maaari aniyang sa susunod na linggo ay tuluyan na nilang matatapos ang clearing operations sa NBP.
Samantala, maliban sa mga preso, pinagbawalan ding gumamit ng cellphone ang mga empleyado ng Bureau of Corrections (BuCor) sa maximum security compound.
