“Fake news” ang pahayag ni Davao City Mayor Sebastian “Baste” Duterte na dumami ang bilang ng krimen ngayon kumpara noong panahon ng kanyang amang si dating Pangulong Rodrigo Roa Duterte.
Ito ang kapwa giit nina House Assistant Majority Leader at Zambales Rep. Jay Khonghun at House Deputy Majority Leader at La Union Rep Paolo Ortega V.
Ayon kay Rep. Khonghun, dapat mag fact-check muna si Mayor Baste sa halip na magpakalat ng maling impormasyon o “Fake news”.
Tinukoy ng kinatawan ng Zambales ang mismong datos ng Department of Interior and Local Government na nagpapakitang mas mataas ang crime rate noong panahon ni dating Pangulong Duterte kaysa ngayon sa panahon ni Presidente Ferdinand Marcos Jr.
Aniya, hindi naman nagsisinungaling ang data ng DILG noong July 1, 2016 hanggang April 2018 na nagpapakitang umabot sa 196,000 plus ang naitalang crime index at bumaba nanlang sa mahigit 71,000 sa ilalim ng kasalukuyang administrasyon.
Susog naman ni Cong. Ortega, na hindi nagsisinungaling ang mga numero, na sinasalamin ng mga survey na patotoo na hindi kailangan maging madugo ang kampanya kontra kriminalidad. —sa panulat ni Kat Gonzales
