Tatangkain ng Rain or Shine Elasto Painters na makabawi sa San Miguel Beer sa Game 2 ng PBA Philippine Cup Semi-finals.
Ayon kay Rain or Shine Coach Yeng Guiao, sisikapin nilang maitabla ang serye sa 1-1 sa laro na gaganapin mamaya sa Araneta Coliseum.
Sinabi ni Guiao na pinag-aralan na nila kung saan sila nagkulang nang padapain sila ng Beermen sa Game 1 kahit na nabaon nila ito ng 20 puntos sa naturang laro.
Aniya, natuto na sila sa pagkatalong iyon at ibubuhos nila ang lahat ng kanilang makakaya upang manalo sila sa serye at makausad sa finals.
By Jelbert Perdez
