“Libre ang Mangarap.”
Ito ang tugon ng Malakanyang sa hirit ni Senador Leila de Lima na makibahagi sa impeachment ni Chief Justice Maria Lourdes Sereno sakaling i-akyat sa Senado ang Articles of Impeachment na nakatakdang pagbotohan ng House Committee on Justice sa Huwebes.
Ayon kay Presidential Spokesman Harry Roque, kailanma’y walang mali sa kagustuhan ni De Lima dahil wala namang bayad ang mangarap.
Kung nais anyang maging updated ng Senador sa impeachment ng punong mahistrado ay maaari namang manood kung mayroong telebisyon sa kanyang selda.
Una nang inihayag ni Senate President Koko Pimentel na hindi pa nila ini-etsapuwera si De Lima sa impeachment trial dahil maaaring makalaya pa ito bago ang botohan sa Kongreso.
Gayunman, kailangang personal na makadalo ni De Lima batay sa kanilang rules upang makaboto sa impeachment ni Sereno.
Drew Nacino / Jopel Pelenio / RPE
