Binuweltahan ng Malakanyang si Communist Founder Jose Maria Sison matapos nitong tawaging “political swindler” si Pangulong Rodrigo Duterte.
Ayon kay Presidential Spokesman Harry Roque, “foul” ang naging pahayag ni Sison at hindi dapat paniwalaan lalo’t kung nagmula sa isang taong wala nang pinanghahawakang dignidad.
Nakatala na aniya sa Guinness Book of World Record ang napakatagal nang pakikibaka ng New People’s Army o NPA na wala namang naidulot na maganda dahil sa baluktot na ideyolohiya.
Iginiit ng kalihim, napag – iiwanan na ang CPP – NPA nang iniidolo nitong bansa na China pagdating sa Maoist ideology kaya’t dapat na itong mag – move on at itigil na ang mga maling ipinaglalaban.
