Matagal nang nabuwag ang “Palakasan system” Sa recruitment ng mga pulis.
Ito ang iginiit ni PNP PIO Chief Col. Jean Fajardo, kasunod ng mga kumakalat na balita na may ilang bagong recruit na mga pulis ang natetengga at hindi nabibigyan ng unit para makapagsimula ng kanilang trabaho.
Kaugnay nito, may mga ipinatutupad na aniyang mga polisiya ang pambansang pulisya para maiwasan ang “human intervention” Gaya ng faceless at nameless recruitment process.
Maliban pa rito ang paggamit ng QR code sa recruitment upang masiguro na pawang mga karapat-dapat lamang ang makakapasa sa training ng mga bagong recruit.
Dagdag pa ni Col. Fajardo ma kung may ilan mang natengga sa recruitment, marahil may kadahilanan ito.