Tiniyak ng Malakanyang na hindi sila makikialam kaugnay sa paghingi ng asylum ni dating Presidential Spokesman Harry Roque sa The Netherlands.
Ayon kay Palace Press Officer Claire Castro, kikilos lamang ang palasyo kapag may naisampa nang kaso at kung may warrant of arrest na kay Atty. Roque.
Muli namang pinayuhan ng malakanyang ang dating presidential spokesman na unahing ipagtanggol ang sarili bago ang ibang tao.
Sinabi rin ni Usec. Castro na duda ang malakanyang na agad mabibigyan ng asylum si Atty. Roque dahil mahihirapan itong patunayan na mayroong political persecution laban sa kanya sa Pilipinas.—sa panulat ni John Riz Calata
