Inanunsiyo ni Presidential Spokesperson Harry Roque na nasa 22, 726, 060 COVID-19 vaccines ang darating sa bansa ngayong buwan ng Agosto.
Una nang dumating noong nakaraang araw ang 415,00 doses ng Astrazeneca vaccine na donasyon ng UK government.
Bukod dito, dumating na rin kahapon ang tatlong milyong doses ng Moderna vaccine na donasyon ng Amerika.
Samantala, inaasahang darating naman ngayong unang linggo ng Agosto ang binili ng pamahalaan na isang milyong Sinovac vaccines.
Habang sa aug. 9 darating sa bansa ang 813,150 doses ng Pfizer, sa pagitan din ng Agosto 9-16 darating ang 1,170,000 doses ng Astrazeneca.
Sa aug. 10 naman darating ang 1 milyong doses ng Sinopharm na donasyon ng China.
2nd hanggang 4th week ng Agosto darating ang mga biniling Sinovac vaccines na nasa 7.4 milyon doses.
Bago matapos ang buwan ng Agosto, darating ang 727,850 doses ng Pfizer, 2.6 doses ng Moderna, 3 milyong bakuna mula sa Covax facility at 1.6 milyong doses ng Sinovac vaccine.
