Nakarating na kay Pangulong Ferdinand Marcos Jr. ang lumabas na post sa social media ng isang pulis na nagpahayag ng kaniyang saloobin laban sa ginawang pag-aresto kay dating Pangulong Rodrigo Duterte.
Sa press briefing sa Malacañang, inamin ni Communications Usec. Claire Castro na nagulat ang pangulo rito.
Ayon kay Usec. Castro, kahit naman sinong presidente ng bansa ay mabibigla sa tinuran ng nasabing pulis.
Iginiit ng opisyal na may nilabag ang pulis sa kanyang ginawa, una, siya ay aktibong nasa serbisyo at dapat ay impartial o non-partisan ang kanyang posisyon.
Dahil dito, marapat lamang aniya na panagutin o disiplinahin ang pulis, alinsunod sa itinatakda ng batas.
Sa ngayon, sinabi ni Usec. Castro na nakikita nilang isolated case lamang ito, gayunman, muli itong nanindigan na kung may makikita silang dahilan o mga panawagan para sa panggugulo, hindi ito palalagpasin ng gobyerno. —sa panulat ni Laica Cuevas mula kay Gilbert {Perdez (Patrol 13)
