Nagpaabot ng pagbati ang Palasyo sa pagkakatalaga kay Cardinal Jose Advincula bilang ika-33 Arsobispo ng Maynila.
Ayon kay Presidential Spokesperson Secretary Harry Roque, hangad ng Palasyo ang maayos at matagumpay na paglilingkod ni Cardinal Advincula sa bagong bigay na misyon ni Pope Francis sa kanya.
Mababatid na kahapon ay itinalaga ng Santo Papa si Cardinal Advincula bilang Arsobispo ng Maynila kapalit ni Cardinal Luis Antonio Tagle na itinalaga naman sa ibang pwesto sa Roma.
