Nangako ang Malakanyang na pananagutin ang mga illegal recruiters ng mga chinese na nasa Philippine offshore gaming operations (POGOs) industry.
Kasunod ito ng reklamo ng China na naabuso ang ilang mga Chinese POGO workers dito sa bansa.
Ayon kay Presidential Spokesman Salvador Panelo, hindi papayagan ng gobyerno ang anumang pag-abuso na ginagawa laban sa mga Chinese POGO workers.
Aniya, maituturing na illegal recruitment kung hindi ito dumaan sa protocol na ipinatupad ng pamahalaan.
Samantala, sinabi ni Chinese Ambassador to the Philippine Zhao Jianhua na nakapaghain na sila ng maraming kaso ng Chinese nationals na inabuso ng mga POGO operator.
