Walang terror threat sa pista ng Itim na Nazareno sa darating na Sabado, Enero 9.
Ayon kay Presidential Communications Secretary Sonny Coloma, ito ay base sa ipinarating na impormasyon sa kanila ni Philippine National Police (PNP) Chief Director General Ricardo Marquez.
Sinabi ni Coloma na patuloy ang monitoring ng intelligence units para matiyak ang seguridad at kaligtasan ng libu-libong deboto na inaasahang dadagsa sa mismong araw ng kapistahan ng Poong Nazareno.
Mayroon aniyang itinalagang site security task group para sa okasyon partikular ang Manila Police District (MPD) sa tulong na rin ng mga local government units at religious groups.
Ipinabatid ng palace official na nakasuporta naman ang mga personnel ng NCRPO at mga police districts sa Metro Manila.
By Meann Tanbio | Aileen Taliping (Patrol 23)
