Sang-ayon ang Malakanyang sa pahayag ni Vice President Leni Robredo na hindi si Pangulong Rodrigo Duterte ang magdedesisyon kung siya ay may sapat na kakayahan para maging presidente ng bansa.
Ayon kay Presidential Spokesperson Atty. Harry Roque, tama ang sinabi ni Robredo na ang taumbayan ang magpapasya kung sino ang susunod na uupong pangulo ng bansa.
Pero ani Roque, kabahagi rin ng taumbayan ang presidente dahil isa rin itong rehistradong botante ng bansa.
Kaya’t bilang isang botante na naging presidente ng Pilipinas, may sapat nang kaalaman si Pang. Duterte kung ano ang mga dapat na kwalipikasyon ng magiging susunod na lider ng ating bansa.
Kungsaan ang suma-total ng naging assessment ani Roque ng punong ehekutibo kay Robredo ay hindi pa ito angkop para maging presidente ng pilipinas sa 2022. —ulat mula kay Jopel Pelenio (Patrol 17)