Tiwala ang Palasyo na kumikilos na ang Department of Foreign Affairs (DFA) para sa maaring tulong na magbibigay sa India.
Sinabi ni Presidential Spokesperson Harry Roque, kumpiyansa syang naghahanap na ng paraan ang DFA upang maipaabot ang ating mariing suporta at pakikiramay sa kaibigang bansa.
Bunsod nito, aalamin aniya ng personal sa ahensya kung anong tulong ang maipagkakaloob ng Pilipinas sa India.
Matatandaang inihayag ni Philippine Ambassador to India Ramon Bagatsing na hindi maganda ang kalagayan sa India kasunod ng sobrang bilis ng pagtaas ng coronavirus disease 2019 (COVID-19) cases doon. —ulat mula kay Jopel Pelenio (Patrol 17)
