Pinayagan na ng pamahalaang lungsod ng navotas na magbukas at makapagtindang muli ang mga palengke, supermarket at groceries sa lungsod.
Ayon kay Navotas City Mayor Toby Tiangco, obligado ang lahat na sumunod sa mga health protocols tulad ng pagsusuot ng facemask, faceshield at paggamit ng contact tracing app gayundin ang pagpapanatili ng physical distancing.
Batay sa inilabas na kautusan ng Navotas City government, kailangang magtalaga sila ng araw para sa gagawing general cleaning at disinfection sa lugar.
Tuwing araw lamang ng linggo simula ngayong araw papayagan ang mga nabanggit na makapagbukas kaya’t umapela si Tiangco na makiisa ang lahat para sa kaligtasan ng bawat isa.
