Idinepensa ni Makati City Mayor Abigail Binay ang pamamahagi ng cash aid kahit sa mga maykaya sa buhay sa Makati City.
Ayon kay Binay, bukod sa taxpayers rin naman ang mga ito, may mga natatanggap silang e-mail mula sa mga condo residents na wala na ring pumapasok na pera sa kanila.
Naniniwala si Binay na sa panahong ito ng pagtutulungan, maaari namang ibigay ng maykayang pamilya sa kanilang driver o kasambahay ang natanggap na P5,000 ayuda bilang tulong o kaya ay ipambili ng relief goods.
Sa ngayon anya ay umabot na sa 128,000 residente na ng Makati City ang kanilang nabigyan ng tig-P5,000 cash aid.
