Wala pang katiyakan kung dadalo ang pamilya ni Pangulong Rodrigo Duterte sa kaniyang ika-limang State of the Nation Address (SONA) sa Batasan Pambansa sa ika-27 ng Hulyo.
Ayon kay Presidential Spokesperson Harry Roque, wala pang detalye kung sinu-sino ang makakasama ng pangulo sa kaniyang SONA.
Maging ang listahan aniya ng mga dadalong miyembro ng gabinete ay magiging limitado lamang.
Hanggang 50 lamang umanong miyembro ng kongreso ang papayagan sa loob ng plenaryo upang maiwasan ang pagkalat ng coronavirus disease 2019 (COVID-19).
