Itinanggi ni Kelsey Furigay, anak ng pinatay na dating Alkalde ng Lamitan City na si Rosita Furigay na may kaugnayan ang kanilang pamilya sa pagpatay sa ama ni Chao Tiao Yumol.
Si Yumol ang suspek na pumatay noon sa Alkalde at dalawa pang katao na naganap sa Ateneo de Manila University.
Sa Open letter ni Kelsey na inilabas nito matapos hindi na mapigilan ang damdamin sa pagbibintang sa kanilang pamilya, sinabi ng babae na wala silang kinalaman sa pagpatay sa ama ni Yumol.
Sa katunayan, hinikayat pa nila ang pamahalaan na lalilam ang imbestigasyon upang makamit ng Pamilya ni Yumol ang hustisya.
Muli namang binanggit ng dalaga na ilang beses na silang na-clear ng PDEA sa paratang na sangkot ang kaniyang ina sa illegal drug trade.
Inilabas Kelsey ang Open letter upang maawat na ang mga netizen sa mga maling paratang laban sa Pamilya Furigay.
