Ikinagulat ng pamilya ng pinaslang na broadcaster at environmentalist na si Dr. Gerry Ortega ang paglaya ni dating Palawan Governor Joel Reyes.
Ayon kay Michaella, panganay na anak ni Ortega, hindi pa sila nakare-recover sa naging pasya ng Court of Appeals noong Biyernes na nag-utos sa paglaya ng mastermind sa pagpatay sa kanyang ama.
Itinaon anya ang desisyon, ilang linggo bago ang ika-pitong taong anibersaryo ng kamatayan ni Dr. Gerry at wala pa silang natatanggap na kopya ng ruling ng Court of Appeals.
Idinagdag pa ng nakababatang Ortega na kailangan pa nilang makausap ang kanilang mga abogado hinggil sa kanilang susunod na plano.
